Treva e Devollit ka një histori të artë sa i takon artit, muzikës, këngës, valles, instrumentave.
Nuk ka mundësi që në dasmat shqiptare të mos kërcehet Devolliçja. Në këtë shkrim do ju sugjerojmë që kur të vizitoni Bilishtin të ndaleni edhe tek Taverna 1996. Aty do të takoni një burrë artist, Luan Muzikanti e thërrasin i cili krahas shërbimit me respekt dhe buzëqeshje mund tiu bëjë edhe një ekspoze në “muzeun e artit” që ka vendosur në lokal. Fotografi, instrumenta dhe objekte të ndryshme muzikore janë të vendosura në një sipërfaqe të konsiderueshme të ambientit.
Aty tregohet se si në Bilisht brez pas brezi, vallja, kënga dhe instrumentat janë trashëguar me fanatizëm. Uluni me Luanin dhe pini një gotë raki, do t’iu flasë me shumë pasion për jetën artistike në Devoll.
E sugjerojmë sepse krahas gstimit tradicional do të merrni edhe leksione artistike mjaft të vlefshme. Prandaj kur të shkoni në Bilisht kthehuni tek Luani, e gjeni në qendër të qytetit.
