Pas njoftimit të kryetarit të Bashkisë Korçë, Sotiraq Filo, se aksioni për prishjen e ndërtimeve pa leje do të shtrihet edhe në pedonalen e qytetit, kanë nisur edhe reagimet e para nga bizneset që operojnë në këtë zonë.
Disa prej tyre kanë filluar vetë çmontimin e strukturave metalike të vendosura në hapësira publike, ndërsa mësohet se përfaqësues të bizneseve të tjera janë takuar me kryebashkiakun për të kërkuar një zgjidhje të mundshme për objektet provizore.
Bashkia ka vendosur afatin për largimin vullnetar të tyre deri më 2 gusht, ndërkohë që pas kësaj date pritet të nisë ndërhyrja për prishjen e të gjitha ndërtimeve që konsiderohen të paligjshme.
