Biznese dhe operatorë turistike që operojnë përgjatë gjithë vijës liqenore nga Lini në Tushemisht janë kundër vendosjes së impianteve të përpunimit të ujërave të zeza dhe të bardha.
Sipas tyre aktet normative që i urdhërojnë të marrin masa për mbrojtjen dhe përmirësimin e infrastrukturës për trajtimin e ujërave që shkarkohen në liqen nuk kanë të bëjnë me këto biznese dhe operatorë turistikë, pasi sipas tyre Pogradeci dhe fshati turistik i Tushemishtit ka një impiant me kapacitet shumë herë më të madh se shkarkimet brenda këtij impianti.
Tritan Avdollari është një tjetër operator turistik në fshatin turistik të Linit. Ndryshe nga Pogradeci e Tushemishti, në fshatin e Linit nuk ka impiant të përpunimit të ujërave të bardha e të zeza. Avdollari por e biznesit që operojnë në këtë fshat për 4 ditë e kanë ndaluar punën pasi e kanë të pamundur të sigurojnë vet impiante që shkojnë deri në 14.000 euro.
Bizneset dhe operatorët turistik të cilët ushtrojnë aktivitetin e tyre përgjatë vijës liqenore kanë nënshkruar një peticion ku mes të tjerave bëjnë me dije se në rast se problemi nuk merr zgjidhje nuk do të ofrohet asnjë shërbim ndaj turistëve vendas e të huaj.
