Skënderbeu dhe Bylis kanë barazuar sot me rezultatin 2-2. Ndeshja e luajtur për javën e 18-të të Superiores sheh skuadrat të ndajnë pikët.
Skënderbeu shkoi në avantazhin e dy golave me Rashicën dhe Bismark, por ballshiotët nuk u dorëzuan.
Ishin Përgjoni dhe Berko, që nderuan ballshiotët në pjesën e dytë. Kështu pas dy fazave, Bylisi mban vendin e parafundit me po aq pikë sa Laçi, ndërsa korçarët ndodhen në vendin e fundit.
REZULTATI PËRFUNDIMTAR
SKËNDERBEU 2-2 BYLIS
7′ Rashica, 47′ Bismark – 49′ Përgjoni, 82′ Berko
NGJARJET KRYESORE
90′ Mbyllet ndeshja në barazim 2-2.
90′ Akordohen 6 minuta shtesë. Bruno dhe Shaqe janë të tjerë të ndëshkuar në shtesë.
89’ Ka tension në fushë. Karton i verdhë për Berkon dhe Janaqin.
88’ Çuçka shpërdoron një mundësi për golin e tretë te Skënderbeu. Protesta te miqtë për një faull në zonë.
83′ Pretendime për penallti te Skënderbeu. Xhaja vazhdon lojën.
82′ GOOOL! Skënderbeu 2-2 Bylis/ Berko realizon golin e barazimit duke tronditur vendasit.
74′ Përndreca merr vendin e Abazaj dhe Ualison të Malomos te Bylisi. Ndërkohë Gjoka largon Nërgutin dhe aktivizon Frenkin.
73′ Bylisi i shkon pranë golit të barazimit. Alia pret dy goditje, ndërsa Berko e shpreh hapur zhgënjmin nga ballshiotët.
69’ Gjata ndëshkohet me karton të verdhë.
68’ Rashica nuk i beson syve, ndërsa humbet rastin e dytë të pastër gol. Korçarët pranë golit të tretë.
65’ Abazaj ngrin festën, që ishte gati të niste te Skënderbeu. Rashica pas pasimit të Bismark dhe pasi kishte kaluar Hasanbelli, nuk ia del të shënojë. Kjo pasi Abazaj largon topin në vijën fatale.
64′ Sulovari merr vendin e Ruçit te Bylisi.
64′ Ballshiotët tregohen kërkues në pjesën e dytë.
63′ Shaqe mbyll një aksion që mund të trazonte prapavijë. Topi i Kamaras përfundon në fundore.
56′ Topi që kalon gjithë pasqyrën e portës së Skënderbeut krijon drithërima. Bylisi tenton golin e barazimit.
53’ Hasanbelli luan rolin e heroit te Bylisi. Bismark dhe Balaj flirtojnë me golin e tretë për vendasit, pasi ishte Bismark që këmbënguli fillimisht.
51′ Rabiu merr karton të verdhë për faull.
49’ GOOOL! Skënderbeu 2-1 Bylis/ Zgjat pak festa e vendasve. Kjo pasi ballshiotët ngushtojnë shifrat me Përgjonin. Spektakël në Korçë.
47’ GOOOL! Skënderbeu 2-0 Bylis/ Bismark dyfishon shifrat për Skënderbeun. Sulmuesi i korçarëve sjell festë te vendasit.
46′ Nis pjesa e dytë. Nevil Dede ka larguar Markun për të aktivizuar Berkon.
45+3′ Mbyllet pjesa e parë me rezultatin 1-0 për Skënderbeun.
45′ Akordohen 3 minuta shtesë.
43′ Skuadrat ulin ritmin e lojës në minutat e fundit të pjesës së parë.
39’ Goditje nga Malomo brenda në zonë, që kontrollohet pa problem nga Alia.
38’ Vendasit nuk shfrytëzojnë si duhet një rast në mesfushën e Bylisit. Është Rashica që nuk kroson si duhet për shokun e skuadrës dhe Hasanbelli mbyll gjithçka.
37’ Rast i mirë për Bylisin, që gjen të papërgatitur prapavijën e korçarëve pasi Vaskez gabon në pasim. Në fund është Alia që pret goditjen diagonale të Gjatës.
36′ Ruçi ndëshkohet me karton të verdhë për protesta.
31’ Bismark gjuan topin duke provuar të befasojë. Asnjë rrezik për Hasanbelli pasi sfera nuk ka koordinatat e duhura.
29′ Skënderbeu shfaqet sërish rrezikshëm në mesfushën e Bylisit. Vendasit kërkojnë golin e dytë.
22′ Bismark gjen golin e dytë, por anësori prish festën pasi ngre flamurin për pozicion jashtë loje. Ky rast konfirmohet dhe nga VAR.
18′ Shaqe merr vendin e Zenullarit si zëvendësim i detyruar.
15′ Zenullari ka nevojë për ndihmën e stafit mjekësor te Skënderbeu.
15′ Hasanbelli tenton të krijojë rrezik te zona e Skënderbeut, ndërsa thyen kundërsulmin e vendasve. Mbrojtja tregohet e vëmendshme dhe në fund Hasanbelli kontrollon pa problem.
11’ Karton i verdhë për Peraltën, që ndëshkohet për ndërhyrjen pas vërshëllimës së Xhajës. Proteston Dede.
7’ GOOOL! Skënderbeu 1-0 Bylis/ Rashica nuk fal përballë Hasanbelli duke dërguar korçarët në avantazh. Goli i shtatë për Rashicën këtë sezon.
5’ Pretendime dy herë për penallti te Skënderbeu, Xhaja vazhdon lojën duke konsideruar gjithçka të rregullt.
3′ Goditje fluturimthi e Peraltës, që është shumë larg portës. Rifillon loja nga Alia.
1′ Nis ndeshja.
FORMACIONET ZYRTARE
Skënderbeu: Alia, Vaskez, Rabiu, Rashica, Dumfur, Vangjeli, Balaj, Janaqi, Zenullari, Frenklin, Bismark
Bylis: Hasanbelli, Peralta, Përgjoni, Abazaj, Marku, Ofori, Ruçi, Bruno, Gjata, Kamara, Malomo
