Ka startuar në orën 14:00, në stadiumin “Adush Muça” të Ballshit, dueli mes Bylisit dhe Skënderbeut, që ka vlerën e një finaleje mbijetesë në elitën e futbollit shqiptar. Objektivi i vetëm për të dyja skuadrat është fitorja.
Skuadra e Gentjan Mezanit, vjen në këtë përballje pas triumfit 2 me 3 ndaj Partizanit, teksa 3 pikë të arta arriti të arkivonte edhe Skënderbeu në shtëpi ndaj Egnatias.
Për sa i përket formacioneve zyrtare, të dy trajnerët kanë hedhur në fushë, lojtarët më në formë të momentit.
LIVE: BYLIS-SKËNDERBEU 0-2
Nasr 23′, 32′
KOMENTI LIVE:
32′ GOOOOL SKËNDERBEU 0-2/ Shënojnë sërish korçarët me egjiptianin Nasr, që pas asistit të Prençit, tund për herë të dytë rrjetën. Fillimisht gjyqtari akordon pozicion jashtë loje, por pas konsultimit me VAR-in, goli konsiderohet i rregullt.
31′ Pranë golit të dytë Skënderbeu me Bismark, por tentativa e tij devijohet nga mbrojtësi i Bylisit në këndore.
27′ Pranë golit të barazimit Bylisi, me Da Silvën, por tentativa e tij në hyrje të zonës shkon jashtë kuadratit.
23′ GOOOOL SKËNDERBEU 0-1/ Zhbllokohet sfida, egjiptiani Nasr kalon në avantazh korçarët. Sulmuesi përfiton nga një mosmarrveshje mes portierit dhe mbrojtësit të Bylisit, ku me portën e boshatisur e pati shumë të lehtë ta shtynte topin drejt rrjetës.
15′ Pranë golit Skënderbeu, Nikaj shpërdoron një mundësi të artë shënimi i vetëm përballë portës. Nuk u beson syve shkodrani.
11′ Bylisi kërkon penallti për prekje të topit me dorë nga Bismark, por nuk është i këtij mendimi gjyqtari Hamiti.
9′ Kundërpërgjigjet Skënderbeu me egjiptianin Nasr, që pas harkimit të Dokës, provon me kokë, por tentativa e tij ishte qëndrore, duke u ndalur nga portieri Batista.
6′ Malomo ndëshkohet me karton të verdhë për ndërhyrje të gabuar ndaj Shaqes.
4′ Rastin e parë të rrezikshëm e krijon Bylisi me Da Silvën, por tentativa e tij devijohet nga Dumfur dhe shkon në goditje nga këndi.
1′ Starton sfida në stadiumin “Adush Muça”.
FORMACIONET ZYRTARE:
BYLIS: Batista, Bruno, Ilieski, Abazaj, Ofori, Peralta, Mahmuti, Përgjoni, Malomo, Da Silva, Berko. Trajner: G.Mezani
SKËNDERBEU: Alia, Prençi, Dumfur, Shaqe, Doka, Sabo, Estrela, Juri, Nikaj, Nasr, Bismark. Trajner: E.Gjoka
