Dikur i njohur si një ndër fshatrat më të mirë të zonës së Devollit me prodhime të shumta bujqësore dhe me mbi 1200 banorë, sot fshati Cangonj po kthehet në një vend të braktisur.
“Atëherë kishim 1200 banorë nga 90 pastaj gradualisht u larguan. Të rinjtë nuk krijojnë dot familje dhe ta krijojnë nuk e mbajnë dot”, thotë një banor.
“Ka qenë fshati më i rregullt më i pastër që na e kishin të gjithë zili”, thotë një tjetër banore.
Por kush janë arsyet e këtij shpopullimi, që po e kthen Cangonjin në një fshat fantazmë?
“Kanalizimet nuk na i kanë vërë akoma lagjes poshtë. Rrugët lart janë për ibret, mban erë kërmë”, shprehet një tjetër.
“Më kalon tubi te komshia, sot më lë, nesër jo. Kujt t’i ankohesh? ”, shton një banore.
Banorët tregojnë që edhe një rrugë që është shtruar, është bërë nga një kompani private.
“Këtë rrugë e shtroi TAP, po të mos e kishte shtruar do të ishte llumi deri këtu”.
Por pushtetarët pavarësisht situatës nuk harrojnë të premtojnë në mënyrë periodike.
“U fol që do të bëhen për punët e votave, por pastaj ikë.Premtimet i bëjnë por pastaj i lënë pezull”.
Të rinjtë në fshat ikin vazhdimisht, pasi me të ardhurat që jep fshati nuk nxjerrin dot kostot e jetesës e jo më të rritin fëmijë. Edhe pse Cangoni është shumë pranë rrugës nacionale sërish po prëballet me situatë të tillë dhe kur një braktisje si kjo ndodh në Cangonj mund të imagjinohet lehtë se çfarë ndodh në fshatra më të thellë.
