Vjen të festojë Krishtlindjen së bashku me një grup shokësh në qytetin e Korçës dhe vetëvritet 18 vjecari nga Durrësi.
18 vjecari me inicialet G.M dy ditë më parë se bashku me një grup shokësh kanë marrë me qera një apartament në hyrje të qytetit të Korçës shumë afër me terminalin.
Burime të siguruara pranë grupit të hetimit bëjnë me dije se të rinjtë pasi kanë festuar në një nga lokalet e qytetit janë kthyer në banesën e marrë me qera ku kanë vazhduar nën avujt e alkoolit.
Në rrethana ende të pasqaruara plotësisht 18 vjecari është vethedhur nga tarraca e katit të 8 te një pallati 10 katesh, duke gjetur vdekjen e menjëhershme.
Te njëjtët burime thane se të gjithë të rinjtë që kanë në shoqërinë e 18 vjeçarit në momentin e ngjarjes janë shoqëruar në komisariatin e Korçës për të dhënë sqarimet e duhura per zbardhjen e kësaj ngjarje.
Njoftimi i policisë;
Korçë/Informacion paraprak
Më datë 25.12.2023, rreth orës 03:50, në lagjen nr. 17, Korçë, në trotuar, është gjetur i pajetë shtetasi G. M., 18 vjeç, banues në Durrës. Nga hetimet e para dyshohet se ky shtetas nën efektin e pijeve alkoolike, mund të jetë vetëhedhur nga tarraca e një pallati, në të cilin 18-vjeçari së bashku me disa shokë të tjerë kishin marrë me qera ditore, një hyrje apartamenti në katin e tetë (të fundit) të tij.
Trupi i pajetë është transportuar në morgun e spitalit Korçë, për të kryer veprimet mjeko-ligjore.
Shërbimet e Policisë kanë shoqëruar të gjithë personat që u gjetën në ambientin të cilin e kishin marrë me qera dhe vijon intervistimi i tyre për sqarimin e plotë të rrethanave dhe mekanizmit të ngjarjes së rëndë.
Grupi hetimor, nën drejtimin e Prokurorisë po vijon punën për zbardhjen dhe dokumentimin e plotë ligjor të ngjarjes.
