Ulja e temperaturave ka sjellë sërish dëborë në qarkun juglindor në lartësinë mbi 1300 metra.
Mësohet se në fshatin turistik të Dardhës trashësia e borës ka arritur në 6 cm, e ndërsa në Voskopojë 2 deri në 3 cm. Po ashtu edhe në Qafën e Qarrit trashësia e borës ka arritur deri në 3 cm.
Në akset rrugore Korçë – Dardhë dhe Korçë – Voskopojë rrugët janë të kalueshme dhe pa probleme.
Rrugët po pastrohen dhe kriposen, por apeli për drejtuesit e mjeteve është që të përdorin gomat dimërore.
