Reshjet e dëborës kanë përfshirë mëngjesin e sotëm pothuajse gjithë zonat malore të juglindjes së vendit.
Reshjet më të dendura kanë qenë në Dardhë dhe fshatrat e Devollit të Sipërm, ku trashësia ka shkuar nga 8-10 cm.
Dëborë ka pasur dhe në aksin Shtyllë – Mashkullorë, ashtu si ka pasur edhe në Voskopojë e fshatra të kësaj njësie administrative.
Burime bëjnë me dije se reshjet e dëborës kanë qenë me intesitet mesatar në fshatra të Njësisë Administrative Lekas në Bashkinë Korçë si dhe Njësinë Administrative Dardhas në Bashkinë e Pogradecit.
Reshje dëborë ka pasur dhe në aksin rrugor Ura e Floqit deri në majë të Qafës së Qarrit.
Akset rrugore janë të kalueshme pa probleme ndërkohë që policia e qarkullimit rrugor u kërkon drejtuesve të mjeteve të bëjnë kujdes dhe përdorin goma dimërore.
Përsa i përket probleme me energjinë elektrike zyrtarisht nuk raportohen probleme me përjashtim të fshatit Vithkuq qe herë pas here ka shkëputje të energjisë elektrike.
