Hapja e bazës ajrore në Kuçovës si bazë taktike e NATO-s, shënoi një tjetër kontribut të rëndësishëm të Shqipërisë në sigurinë rajonale dhe euroatlantike.
Në vitin 2009 Shqipëria u bë pjesë anëtare e NATO-s dhe ky 15 vjetor i anëtarësimit në NATO solli hapjen e kësaj baze në Kuçovë.
Ministri i Mbrojtjes, Niko Peleshi, ka ftuar edhe homologët e tij, ndër ta z.Nikos Dendias, ministrin e Ministrisë së Mbrojtjes së Greqisë.
Mediat greke prodhuan lajme ku sipas tyre qeveria shqiptare nuk e kishte ftuar ministrin grek në inagurimin e bazës ajërore të Kuçovës më datë 4 mars 2024.
Por pas daljes së dokumentit se Ministria e Mbrojtjes kishte dërguar më datë 29 janar, ku ftohej ministri grek, z.Nikos Dendias përgënjeshtron lajmin e mediave greke dhe shprehet se nuk mori pjesë për shkak të angazhimeve të shumta.
“Në kuadër të nivelit të shkëlqyeshëm të marrëdhënieve mes dy vendeve tona dhe në veçanti të bashkëpunimit në fushën e sigurisë, më lejoni t’ju bëj një ftesë zyrtare për të vizituar Shqipërinë, që mund ta kombinojmë me inagurimin e bazës ajrore të NATO-s në Kuçovë në 4 mars”- thuhet në ftesën e bërë ndaj ministrit grek të Mbrojtjes Nikos Dendias.
“Shqipëria dhe Greqia gëzojnë një nivel të shkëlqyer bashkëpunimi për sigurinë dhe mbrojtjen si dy aleatë të përkushtuar të NATO-s. I jemi mirënjohës Greqisë (dhe Italisë) që prej vitesh kryejnë Policimin Ajror për vendin tonë. Për të njëjtin qëllim, më 29 janar, ministri i Mbrojtjes i Shqipërisë i dërgoi një ftesë zyrtare homologut të tij grek për një vizitë zyrtare në Shqipëri, në të njëjtën kohë me ceremoninë e betimit të bazës ajrore të Kuçovës.
Më 14 shkurt morëm përgjigjen se për shkak të angazhimeve të planifikuara, ministri i Mbrojtjes Dendias nuk do të mund të merrte pjesë në ceremoninë e 4 marsit në Kosovë.
Në vend të kësaj, zyrtarë të lartë të Ambasadës Greke në Tiranë morën pjesë në Kuçovë. Na vjen keq për lajme të tilla që nuk pasqyrojnë të vërtetën dhe realitetin në lidhje me bashkëpunimin tonë me shtetin tonë fqinj, Greqinë, dhe mund të kontribuojnë në mbështetjen e mëtejshme të keqkuptimeve mes dy vendeve tona mike”, tha ministria e mbrojtjes e vendit fqinj.
