Seanca e së mërkurës në Komisionin e Shëndetësisë është shoqëruar me debate të ashpra mes socialistëve dhe demokratëve. Ka qenë deputetja Albana Vokshi e cila është përplasur me kolegët e saj nga mazhoranca pasi ka akuzuar se është ndërhyrë në sistem për të ndërruar datat e skadencës së ilaçeve të ndryshme.
Vokshi është kundërshtuar fort nga radhë e socialistëve dhe ka nisur një debat me tone të ashpra mes tyre.
Ka qenë kryetarja e Komisionit, Zheni Gjergji deputete e PD e cila nuk i ka dhënë fjalën për procedurë Ilirjan Pendavinji. Edhe pse ky i fundit i ka kujtuar se po shkel rregulloren, sërish Gjergji i ka ndaluar fjalën. Kjo ka revoltuar socialistin i cili ka shpallur pushim dhe është larguar nga salla së bashku me kolegët.
Ilirjan Pendavinji: Po prishet mbledhja me zemër, si nuk do më njapësh ti për procedurë mua? Nuk mundesh ta bësh këtë
Zheni Gjergji: Jo shefja e shërbimit, e ka kërkuar zonjë
Ilirjan Pendavinji: Po smë zë meraku fare tani, e kam unë. Jam unë prioritar sipas rregullores. E njeh rregullore?
Zheni Gjergji: Po. Do ta shekel. Do ta shkel rregulloren.
Ilirjan Pendavinji: Zonja Çeliku nuk ka të drejtë të përgjigjet. Kërkoj 5 minuta pushim që të vazhdojmë në normalitet.
Zheni Gjergji: Nuk ta miratoj, hidhe në votë. Asnjëçik fare…eee..absolutisht je jashtë procedurës. Kush je ti që e mbyll drejtimin? Kush je ti?
Zheni Gjergji: Ik more, do të ikësh ik. Nuk e votove kështu që mund të largohesh. Nuk e mbyll. As e mbyll fare, absolutisht. S’dua unë votim, s’dua unë pushim.
