Gjykata e Korçës ka dhënë masën e sigurisë arrest me burg për Dritson Kurtin i cili u arrestua nga policia e Korçës tre ditë më parë me akuzën e marrëdhënies seksuale me të mitur.
Ka qënë kërkesa e akuzës për të mbajtur pas hekurave 21 vjeçarin, kërkesë e cila u pranua nga gjykata ndërkohë që avokati ka kërkuar një masë sigurie me të lehtë.
Sipas tij, Kurti është i vetëm që siguron të ardhura për familjen ndaj e për këtë I ka kërkuar gjykatës ndryshimin e kësaj mase sigurie.
Vetëm para dy muajsh Dritson Kurti ka mësuar për moshën e vërtetë të vajzës ndërkohë që avokati mbrojtës ka dorëzuar në gjykatë kërkesën për njohjen e martesës së çiftit.
Prej një viti 21 vjeçari ishte i martuar me një 14 vjeçare me të cilën ka sjellë në jetë një fëmijë.
Në momentin kur 14 vjeçarja është shoqëruar nga bashkëshorti dhe familjarët ka shkuar në martenitetin e Korçës për të lindur, Shërbimi mjekësor i shtëpisë së lindjes për procedurë nisur nga mosha e minorenes ka lajmëruar policinë,të cilët kanë kryer arrestimin e Dritson Kurtit.
Familjarët e 21 vjecarit por edhe ata të 14 vjeçares kanë qenë kundër këtij arrestimi me pretendimin se kjo është traditë e këtij komuniteti.
