Nëse mendoni se artistët e vërtetë dhe ata më të mirët veprojnë vetëm në Tiranën e zhurmshme apo diasporë, atëherë gaboheni.
Nëse mendoni se artist i mirë është veç ai që ka shumë ndjekës në rrjetet sociale apo jep intervista çdo ditë, sërish gaboheni.
Nëse mendoni se artist i mrekullueshëm janë veç ata që pozojnë në udhëtime luksi dhe videoklipe milionash, përsëri e përsëri gaboheni.
Shembull për këtë është Devi, një artist modest që s’ka nevojë t’i ketë këto më sipër.
Mjafton t’i japësh 1 kitarë për të zbrazur shpirtin e tij në tela, tinguj, e këngë.
Mjafton t’i japësh 1 kitare për ta bërë dashurinë, dhimbjen dhe gëzimin të këndojë furishëm.
Mjafton t’i japësh 1 kitare për t’i dhënë ngjyra vendit që s’është më i miri, por askush s’na pengon ta duam si të tillë.
Mjafton t’i japësh 1 kitarë për të treguar se ky artist, di të flasë 1 gjuhë tjetër nga ajo që përdorim ne të tjerët, 1 gjuhë që depërton në shpirtin, zemrën dhe mendjen e atyre që e ndjekin.
Nëse Ziçishti ndjen krenari, e gjithë krahina ndjen frymëzim dhe mirënjohje për traditën që vazhdon falë njerëzve si Devi që pasionin e ka shndërruar në trashëgimi vlerash për brezat që po vijnë.
Suksese Dev, mos shteroftë kurrë kënga jote, simfoni e vlerave tona që duhet t’ua dëshmojmë të gjithëve, padyshim!
Shkrim i marrë nga faqja Devolli Im
