Një 61 vjeçar nga fshati Baban i Devollit është arrestohet në flagrancë pasi po ushtronte dhunë ndaj bashkëshortes së vet dhe dy fëmijëve të tyre.
Njoftimi i policisë;
DVP Korçë/Arrestohet në flagrancë 1 shtetas për veprën penale të dhunës në familje
Specialistët për Hetimin e Krimeve të Komisariatit të Policisë Devoll arrestuan në flagrancë shtetasin M. Gj., 61 vjeç, banues në fshatin Baban, Devoll, pasi dyshohet se ka ushtruar dhunë ndaj bashkëshortes së tij dhe 2 djemve të tyre, si dhe se i ka kanosur ata.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
