Një 62 vjeçare nga fshati Stropan i Devollit ka ndezur zjarr në tokën e saj, deshi të digjte mbetjet, por flakët e zjarrit dolën jashtë kontrollit duke dëmtuar pemë frutore të kufitarit të saj.
Njoftimi i Policisë;
DVP Korçë/Procedohet në gjendje të lirë 1 shtetase, për veprën penale të dëmtimit të pronës.
Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi penal në gjendje të lirë për shtetasen F. B., 62 vjeçe, banuese në fshatin Stropan, Devoll, pasi dyshohet se më datë 23.09.2023, ka ndezur zjarr në tokën e saj, i cili më pas i ka dalë nga kontrolli dhe për pasojë janë djegur pjesërisht 20 pemë frutore të një shtetasi tjetër.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
