Fshati Poloskë prej kohësh është harruar nga pushteti vendor dhe qendror. Banorët shprehen se të rinjtë janë larguar për shkak se nuk kanë punë, ndërsa ata që kanë mbetur vuajnë mungesën e ujit dhe rrugëve të amortizuara.
Banorët theksojnë se u premtojnë se do investojnë gjatë fushatës, por pasi marrin votat i harrojnë.
Mungesa e investimeve ka detyruar të rinjtë dhe banorët të braktisin fshati Poloskë i cili ndodhet shumë afër Devollit.
Sot rrugët e këtij fshati janë bosh pasi pjesa më e madhe janë larguar jashtë Shqipërisë. Banorët ankohen se janë harruar nga pushteti vendor dhe ai qendror, pasi nuk kanë probleme me ujin por gjithashtu edhe me kanalizimet.
Premtimet sipas tyre bëhen në kohë fushatash sa për t’u marrë votën dhe më pas nuk vjen askush. Rrugët e brendshme të fshatit po ashtu edhe të parcelave janë thuajse të pakalueshme dhe ata pak banorë theksojnë se as makinat e korrjes së grurit nuk pranojnë të vijnë.
Edhe pse taksapagues të rregullt banorët e fshatit Poloskë ndihen të harruar nga pushteti vendor i cili u merr taksa por për investime fondet mungojnë.