Në Parkun “Rinia” në Korçë, një nga zonat më të frekuentuara nga qytetarët, sidomos gjatë verës, kanë nisur ditët e fundit punimet për dezinfektimin e sipërfaqes përreth tij.
Ndërmarrja e shërbimeve të Bashkisë Korçë po ndërmerr këtë aksion për të parandaluar rrezikun që paraqesin zvarranikët, të cilët shtohen në muajt me temperatura të larta dhe mund të jenë të rrezikshëm, sidomos për fëmijët që luajnë në park.
Autoritetet vendore theksojnë se këto ndërhyrje dezinfektuese do të vijojnë në mënyrë të rregullt, me qëllim që Parku “Rinia” të mbetet një hapësirë e sigurt dhe e pastër për të gjithë vizitorët.
