Dhjetori i festave nisi në Korçë me dekorin, babagjyshin, elfët dhe një kalendar të pasur me aktivitete që do të zhvillohen në zona të ndryshme të qytetit, për ta bërë sa më të bukur atmosferën e këtij muaji.
Atmosfera festive po ndihet kudo, ku në prag të Krishtlindjeve sheshet e qyteteve janë shndërruar në sofër mikpritëse për vendas e të huaj, ndërsa çdo mbërmje organizohen koncerte dhe evente të tjera kulturore.
Bashkia e Korçës ka bërë një kalendar festiv për këtë fundjavë, ku ka aktivitete pothuajse gjatë gjithë ditës.
Sotiraq Filo i fton të gjithë të jenë në Korçë, dhe se festat kalohen më bukur me aktivitete.
Statusi në facebook;
Me festën që vazhdon në Korçë, për t’i bërë këto ditë të bukura dhjetori akoma më të gëzueshme e magjike me një kalendar të pasur aktivitetesh për të gjithë, ju ftoj të kalojmë së bashku fundjavat në Korçë.