Kur diplomati francez kalonte në fshatin Gështenjas (Zërvaskë), në Pogradec.
Pjesë nga artikulli “Shqipëria e do Francën”, botuar në gazetën “Le Matin” nga diplomati francez Justin Godart, 3 qershor 1921.
“Sapo kam udhëtuar në të gjithë Shqipërinë. Kur, duke shkuar nga Korça në liqenin e Ohrit, kalova fshatin Zërvaskë, u habita kur pashë shtëpitë e mbyllura dhe rrugët e shkreta. Duke vazhduar rrugën, gjeta banorët, fëmijët e shkollës duke mbajtur flamuj të vegjël francezë dhe shqiptarë përgjatë rrugës, të grupuar në hyrje të një varreze. Shefi më shpjegoi se ishin mbledhur në këtë vend për të më përshëndetur, sepse atje pushonin ushtarët francezë dhe të rënët e rajonit duke bërë një demonstrim për nder të atdheut tim para varreve të vëllezërve të mi që vdiqën për lirinë e botës.
Kryqet prej druri ishin zbukuruar me lule. Dhe ndërsa unë i përshëndeta, i ndjekur nga turma serioze, kënduan djem e vajza “La Marseillaise” (Himni francez) në frëngjisht.”
Në figurën e parë) Ballina e gazetës “Le Matin”, 3 qershor 1921.
Në figurën e dytë) Justin Godart (përballë në të majtë) dhe gjenerali francez Maurice Sarrail në qendër, gjatë vizitës në Shqipëri në vitin 1917.
Arkivi i Bibliotekës Kombëtare të Francës.
