Në familjen e Agron Llakajt, sot është një ditë e veçantë pasi vajza e tij feston ditëlindjen. Megjithëse dhimbja për humbjen e bashkëshortes është ende e pranishme në familjen e tyre, Agron Llakaj, me zemrën e tij artistike, ka bërë një urim të veçantë dhe të ngrohtë për vajzën e tij.
Duke kujtuar bashkëshorten e ndjerë, Kostandinën, Agroni feston këtë ditëlindje për vajzën e tij, Alkida, me këto fjalë prekëse:
“Alkida ime e dashur! ❤️
Sot është ditëlindja jote dhe ndiej çdo emocion që po kalon, kjo është e para ditëlindje pa njeriun më të shtrenjtë, mamin dhe shoqen tënde të ngushtë. Por, jam i bindur se nga Atje lart ku ndodhet, ajo më thotë: ‘Hape shampanjën për vajzën, Agron!’
Ajo nuk të ka lënë vetëm… Adea është rritur dhe tani do të jetë shoqja jote më e ngushtë. Bija ime! Nuk mund të zëvendësoj mamanë, por sa të kem frymë e zë, do jem pranë teje me gjithë forcën e dashurisë sime.
Uroj që të kesh shëndet dhe sukses, dhe ky është edhe urimi i mamit nga Atje lart.
Buzëqeshi jetës, zemër! Babi si gjithmonë të thotë sikur kur ishe e vogël: ‘Të dua sa qielli e sa bota!'”
