Dy javët e mbetura të kampionatit kombëtar për volejboll për femra janë shumë të rëndësishme për Skënderbeun pas humbjes për Kupën e Shqipërisë.
Korçaret e rrjetës këtë të premte luajnë në transferte me Partizanin e ne javën e fundit skuadra e Orlando Kojes pret në shtëpi Tiranën.
Në të dy këto takime Koja nuk do të ketë të gatshme Moriera De Souza e cila vazhdon të ketë problem me kaviljen pas dëmtimit në finale me kryeqytetaset.
Në qoftë se ndeshja e kësaj të premte me Partizanin duket e kalueshme, ajo me Tiranën e për Kojen nuk është e tillë. Aq më tepër kur një nga lojtaret kryesore nuk është e gatshme.
Burime zyrtare pranë klubit thanë se dëmtimi i De Souza nuk është shumë serioz por kërkon kohën e vet të rikuperimit, lojtare qe Koja e pret ta ketë në ndeshjet finale me Tiranën, takime këto që do të sjellin e skuadrën kampione.
Për ta mbyllur, Skënderbeu i duhen dy pike ne dy takimet e mbetura per te mos humbur vendin e parë, vend ky që i jep avantazhin skuadres se Kojes për të luajtur takimin e 5 në Korçë nëse me kryeqytetaset do të kemi barazim të ndeshjeve 2-2.
