Policia ka referuar në Prokurori dy raste dhune në familje, ku janë proceduar penalisht një grua dhe një burrë, në qytetet e Korçës dhe Kolonjës.
Shërbimet e Komisariatit të Policisë Korçë kanë nisur procedimin penal ndaj shtetases K. Z., 29 vjeçe, banuese në Korçë, pasi dyshohet se ka ushtruar dhunë psikologjike ndaj bashkëshortit të saj. Viktima është pajisur me urdhër mbrojtjeje.
Ndërkohë, Specialistët për Hetimin e Krimeve në Komisariatin e Policisë Kolonjë kanë nisur procedim penal ndaj shtetasit G. J., 80 vjeç, pasi dyshohet se ka ushtruar dhunë ndaj bashkëshortes së tij, e cila gjithashtu është pajisur me urdhër mbrojtjeje.
Policia deklaron se do të vijojë me forcë veprimet ligjore ndaj çdo rasti dhune në familje, duke garantuar mbrojtjen e viktimave dhe ndjekjen penale të autorëve.
