Dy persona arrestohen në Korçë për drejtim automjeti në gjendje të dehur
Drejtoria e Policisë së Qarkut Korçë njoftoi arrestimin në flagrancë të dy shtetasve, Melsi Pelo, 44 vjeç, banues në Korçë dhe Dios Elmazaj, 34 vjeç, banues në fshatin Zvezdë, Maliq, të cilët u kapën duke drejtuar automjetet përkatëse në gjendje të dehur.
Specialistët e Sektorit të Qarkullimit Rrugor, pas kontrolleve të rutinës, konstatuan se të dy shtetasit ishin në një gjendje që paraqiste rrezik për sigurinë rrugore. Pas arrestimit, materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
Ky aksion është një tjetër masë e Policisë për të garantuar sigurinë në rrugë dhe për të parandaluar aksidentet që mund të shkaktohen nga drejtimi i automjeteve në gjendje të dehur.
Njoftimi i policisë;
Specialistët e Sektorit të Qarkullimit Rrugor arrestuan në flagrancë shtetasit M. P., 44 vjeç banues në Korçë dhe D. E., 34 vjeç, banues në fshatin Zvezdë, Maliq, pasi u kapën duke drejtuar automjetet përkatëse, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
