Ndodh shpesh që banorët që jetojnë në zonat rurale kur pastrojnë parcelat bujqësore të djegin mbetjet bimore. Sot në komisariatin e Devollit është thirrur një shtetas nga fshati i Bitinckës pasi kishte djegur barishtet dhe kështu ka ndotur dhe ajërin.
Njoftimi i policisë:
DVP Korçë/Procedohet në gjendje të lirë 1 shtetas, për veprën penale të dëmtimit të mjedisit
-Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi në gjendje të lirë për shtetasin L. L., 58 vjeç, banues në fshatin Bitinckë, Devoll, pasi në fshat dyshohet se ka ndezur zjarr në një sipërfaqe toke në pronësi të tij, për të djegur barishtet, dhe për pasojë ka shkaktuar ndotje të ajrit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
