Bashkia Korçë është ka hedhur për herë të parë në tavolinë diskutimin për të kryer çdo të dielë pushim për çdo biznes.
Pyetësori i cili plotësohet online u është kërkuar bizneseve të Korçës për të dhënë mendimin e vet, ndërkohë që burime pranë bashkisë por dhe nga interesimi i Kolibri.al bëhet me dije se mbi 80% e bizneseve, kryesisht dyqaneve ushqimore, shitjeve të rrobave dhe shërbimeve të tjera janë dakortësuar me këtë iniciativë të re.
“Kam 23 vite që punoj, nuk kam bërë një ditë pushim. Nuk e mbyll se humb klientelën, ndërsa po e mbyllën të gjithë, rri rehat dhe pushon” – thotë njeri nga shitësit pranë tregut maqedonas (shulet) në Korçë.
Ky pyetësor pritet të përfundojë në muajin tetor, atëherë kur në bazë të dëshirave të vet bizneseve do të merret një vendim në këshillin bashkiak të Korçës.
