Skënderbeu-Teuta 0-1
Shënues: Gjini 74’
Skënderbeu: Alia, Ramos, Prençi, Gerco, Shaqe, Randi (Lika 81’), Janaqi (Moses 84’), Merlim, Liço, Djantu, Nikaj (Nikaj 66’). Trajner: Ivan Gvozdenoviç
Teuta: Vata, Jazxhi, Gjini, Beqja, Daci (Faust 59’), Kruja, Kotobelli, Lloci, Gjinollari, Daja, Arifi (Peposhi 59’). Trajner: Edi Martini
Gjyqtarë: Eldorjan Hamiti, Ridiger Cokaj, Ergys Spahiu, Sokol Bebja
Kartonë të verdhë: Shaqe, Liço, Janaqi / Daja, Gjinollari
Ndeshja mes Skënderbeut dhe Teutës ka nisur menjëherë në sulm për Skënderbeun, ku Gerco provon nga distanca, por topi përfundon në duart e portierit durrsak.
Menjëherë kundërpërgjigjen durrsakët që kanë dy raste të mira shënimi në zonë, por me portën bosh nuk arrijnë ta dërgojnë topin në rrjetë. Rastet për Teutën falë shtatlartësisë së mbrojtësve të Teutës që në goditjet standarde bien në sy në krahasim me lojtarët e Skënderbeut.
Më pas loja më shumë luhet në mesin e fushës, ku ka duele të ashpra mes të dy ekipeve, por pa rrezikuar portat respektive
Në minutën e 31-të gjyqtari Hamiti pasi shikon edhe VAR-in jep 11-metërsh. Ka protesta të shumta nga ana e Skënderbeut, por gjithsesi është Daci që nga pika e bardhë godet shtyllën dhe topi përfundon jashtë. Sërish pas humbjes së penalltisë ka protesta nga ana e vendasve.
Deri në minutën e 40-të ka protesta për shumë faulle që jep gjyqtari Hamiti dhe loja duket se është tensionuar, qysh pas momentit që dha 11-metërsh.
Mbyllet pjesa e parë me rrjetat e paprekura 0-0.
Pjesa e dytë nis pa asnjë ndërim nga të dy skuadrat, duke u besuar të dy teknikët lojtarëve që hodhën në fushë nga starti.
Menjëherë dy raste nga një për secilën skuadër, madje raste të arta shënimi. Është Liço për Skënderbeun dhe nga ana tjetër Daci për Teutën që humbasin raste të pastra, të dy me kokë gjuajnë jashtë.
Një tjetër raste të pastër humbet kapiteni i Skënderbeut, Liço në minutën e 61-të, teksa topi prek vetëm rrjetën e jashtme të portës durrsake.
Në minutën e 74-ër do të vinte edhe goli i avantazhit për miqtë. Është Gjini që gjuan me kokë në zonë dhe 0-1.
Pas shënimit të golit nga ana e Teutës, trajneri Gvozdenoviç kryen disa ndërime, ku edhe Rashica, Lika, apo Moses nuk sjellin ndryshim në rezultat.
Rastin më të mirë për të barazuar e kishte kapiteni Liço që lëshon një “predhë” nga 25 metra larg, por portieri Vata bën heroin duke e dërguar topin në këndore.
Përfundimisht 0-1 për Teutën.
Minutat dhe rastet e pjesës së parë
2’ – Gerco provon nga e djathta e sulmit për Skënderbeun me të majtën dhe pret në pozicion Vata.
8’ – Gerco për Djantu në zonë që gjuan me kokë, por topi përfundon jashtë.
31’ – Teuta pretendon për prekje të topit me dorë në zonë nga mbrojtësit e Skënderbeut. Gjyqtari Eldorjan Hamiti shkon në VAR. Pasi e shikon jep 11-metërsh. Gjuan Daci dhe topi prek atje ku bashkohet shtylla e djathtë pinugle me tranversalen dhe përfundon jashtë. Miqtë humbasin rastin më të pastër të shënimit.
Minutat dhe rastet e pjesës së dytë
48’ – Me startin e pjesës së dytë Skënderbeu humbet një rast të pastër. Është Merlim që në një këndore e dërgon topin në zonë dhe atje Liço gjuan me kokë dhe shpëton për mrekulli porta e Teutës, topi përfundon jashtë.
50’ – Të njëjtën gjë humbet edhe Teuta, teksa Daci me portën bosh me kokë gjuan jashtë.
61’ – Goditje dënimi për Skënderbeun diagonal në krahun e majtë të sulmit. Është Nikaj që shërben në zonë për Liçon dhe topi prek vetëm rrjetën e jashtme. Shpëton porta e Teutës.
74’ – Goditje këndi për Teutën. Gjini shtatlartë me kokë gjuan dhe 0-1 për Teutën, shënojnë miqtë.
86’ – Kapiteni Dean Liço ka rastin e pastër për të barazuar rezultatin. Gjuan nga largësia dhe në trekëndësh shpëton portën Vata.
