Një ngjarje shqetësuese është regjistruar në qytetin e Korçës, ku një 31-vjeçare është shpallur në kërkim nga policia pasi ka braktisur katër fëmijët e saj të mitur.
Sipas informacioneve zyrtare, Specialistët për Hetimin e Krimeve pranë Komisariatit të Policisë Korçë kanë referuar materialet në Prokurori dhe kanë shpallur në kërkim shtetasen A. F., 31 vjeçe, banuese në Korçë. Dyshohet se ajo është larguar nga banesa që prej tre ditësh, duke lënë pas katër fëmijët pa përkujdesje.
Ngjarja është kualifikuar si “Braktisja e fëmijëve të mitur”, ndërsa strukturat e policisë po punojnë për lokalizimin dhe kapjen e saj.
Njoftimi i policisë;
Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasen A. F., 31 vjeçe, banuese në Korçë, për veprën penale “Braktisja e fëmijëve të mitur”, pasi është larguar nga banesa prej 3 ditësh dhe ka braktisur 4 fëmijët e saj të mitur. Po punohet për gjetjen e saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
