Gazetarja Anila Hoxha ka bërë me dije në një postim në rrjetet sociale se shtëpia e gazetarit Elton Qyno po kontrollohet nga SPAK, pasi sipas organit të akuzës gazetari me origjinë nga Devolli ka nxjerrë sekrete hetimore
Gazetarë, avokatë dhe aktivistë janë bërë bashkë në një thirrje të vetme “Lironi Elton Qynon”, i cili prej 10 orësh ndodhet në ambientet e Prokurorisë së Posaçme kundër Korrupsionit dhe Krimit të Organizuar.
Sipas tyre mbajtja “peng” e gazetarit është e paligjshme dhe kërkesa që i është bërë atij për të nxjerrë burimin e informacionit bie ndesh me parimet bazë të gazetarisë për të publikuar çdo lloj informacioni dhe për të mos zbuluar burimin e informacioneve.
Ky është postimi i gazetares Anila Hoxha
Kontrollohet shtëpia e gazetarit Elton Qyno për nxjerrje të sekretit hetimor!!
Jam me Elton Qynon dhe me çdo gazetar që i shërben publikut dhe të vërtetës.
