Rehova është një nga zonat më të njohura të Kolonjës. Fshati piktoresk dhe i arkitekturës së veçantë, tashmë është bërë pjesë e projektit qeveritar të 100 fshatrave me potencialin më të madh për të zhvilluar agro-turizmin.
Rruga e Portave, ka bërë që qendra e Rehovës, të hyjë tek zonat e mbrojtura nga ministria dhe qeveria.
Po ashtu festa e përvitshme e Rehovës, kërkon të promovojë e t’i japë një zhvillim edhe bujqësisë dhe blegtorisë së krahinës.
Ka qenë vet kryeministri Edi Rama i cili mëngjesin e sotëm ka ndarë në rrjetin e tij social facebook disa pamje nga ky vend magjepsës duke theksuar edhe rijetësimin e fshatit.
Ja çfarë shkruan ai;
Mirëmëngjes dhe me Rehovën turistike ku dita-ditës po merr jetë projekti për rijetësimin e fshatit dhe ndërtimin e rrugës që do të bëjë lidhjen me Ersekën, duke nxjerrë në pah natyrën magjepsëse të kësaj zone, ju uroj një ditë të bukur!
