Ish kryebashkiaku i Pogradecit Eduart Kapri është rikthyer në derën e Spak, derë mga e cila para pak kohësh doli i pafajshëm por që tashmë ndaj tij është ngritur një tjetër akuzë.
Burimet bëjnë me dije se Kapri është rithirrur në Spak për shtyrjen e lejes së një pallati në periudhën kur ishte kryebashkiak. Deri këtu duket si diçka normale, por çështja merr tjetër drejtim pasi bëhet fjalë për një pallat që është në pronësi të tij dhe vëllait të Kaprit.
Burimet shtojnë se pak muaj më parë inspektorët e Spak kanë behur në Bashkinë e Pogradecit ku kanë tërhequr të gjithë procedurën e dosjes në fjalë të ndjekur nga punonjës të urbanistikës dhe Kapri.
Kujtojmë se ky pallat ka qenë mollë sherri edhe vite më parë mes kryebashkiakut Artan Shkëmbi dhe Kaprit, kohë kur pallati ishte në ndërtim por kish shkelur afatet e lejes e për këtë ka pasur disa herë përplasje asokohe me policinë bashkiake.
Por pavarësisht përplasjeve atëherë, pallati u përfundua dhe kështu u mendua se u mbyll çështja.
Burimet thonë se kallzimin në Spak për ish kryebashkiakun e ka bërë një tjetër biznesmen.Mes këtij biznesmeni dhe bashkisë në kohën kur drejtonte Kapri ka pasur përplasje për sa i përket ndërtimeve dhe duket se si formë hakmarrje biznesmeni ka zgjedhur të denoncojë në Spak ish kryebashkiakun.
