Ju e mbani mend lekun e periudhës komuniste në Shqipëri.
Por ju nuk dini se autoritetet e atëhershme morën një nismë për prodhimin dhe dizenjimin e një leku të ri shqiptar i cili do të dilte në qarkullim në vitet 1987-1988 por që për shkak të ndërrimit të sistemeve nuk doli kurrë në qarkullim.
Ata të ciëlt punuan për dizenjimin e këtij leku ishin vetëm 2 persona. Piktori i Merituar pogradecar Anastas Kostandini (Taso) dhe një punonjës i sigurimit të shtetit.
Anastas Kostandini tregon se atë kohë lidhja e artistëve kishte dërguar emrin e tij pas kërkesës së bërë nga Banka e Shqipërisë së atëhershme, pasi u realizua një konkrurs mes të propozuarve Taso kishte dalë fitues dhe menjëherë do t’i kërkonin të niste nga puna për dizenjimin e lekut të ri shqiptar.
Taso tregon se në fillim e cilësoi si nder këtë që i dhanë për detyrë, por pak ditë më pas kuptoi se kishte bërë gabim të madh që e kishte pranuar. Kjo sepse për 12 muaj me radhë ai ka punuar në një dhomë të vogël dhe pa dritare, duke pasur në kokë edhe një ish-sigurims i cili pretendohej të ishte ilustrator dhe që kontrollonte elemtët e sigurisë së këtij leku.
“Është një nga momentet e errta të jetës sime, që nuk kam aspak dëshirë ta kujtoj. Në fakt e kisha harruar, por ma ka kujtuar koleksionisti dhe filantropisti Jovan Basho, kur më dërgoi disa foto të këtyre dizenjove të cilat unë i kisha realizuar dhe i kishim depozituar në Bankën e Shqipërisë. Fakti që ndryshoi sistemi ato nuk u prodhuan dhe kishin mbetur në arkivë. Si duket dikush i hapi ato magazina dhe këto kanë dalë dhe janë shitur si mostra në tregun e zi.
Ka qenë një punë e lodhshme por që unë e bëja me qejf pasi jam një ilustrator dhe kjo ishte një detyrë e rëndësishme që m’u besua edhe pse mbrapa u pendova.
Kolibri.al sjell disa prej mostrave të këtyre lekëve të cilat i publikojmë për herë të parë.
