Mirlind Daku shtatlarti nga Kosova që luan me kombëtaren dhe që nga ngritur peshë zemrat e shqiptarëve me golin që shënoi përballë Polonisë duke çuar rezultatin 2-0.
Ajo që ra në sy gjatë festës së tij për golin ishte tatuazhi që ai kishte në shpatullën e djathtë.
KATANA, një piramidë e rrëzuar dhe një këmbë mbi të. Por cili është kuptimi i tatuazhit?
Kolobri.al zbulon se kemi të bëjmë me pseudonimin e Heroit të Luftës në Kosovë, Agim Ramadani.
Agim Ramadani njihej ndryshe me nofkën “KATANA”, ishte njëri prej komandantëve më të shquar dhe më aktivë të Ushtrisë Çlirimtare të Kosovës (UÇK) si dhe komandant i Zonës së Koshares. Lindi më 3 Maj 1963 në fshatin Zhegër të Komunës së Gjilanit dhe ra dëshmorë më 11 Prill 1999 në Koshare gjatë një luftimi ballë për ballë me forcat serbe. Mori pjesë në Betejën e përgjakshme të Koshares e cila u zhvillua më 9 Prill të vitit 1999, ku edhe ishte komandant i Brigadës 138 deri në ditën e rënies së tij. Pas përfundimit të luftës, ai u shpall Hero i Kosovës.
Kjo është edhe arsyeja se përse sportisti Kosovar ka bërë këtë tatuazh në shpatullën e tij, por mbetet e pakonfirmuar nëse ai ka lidhje familjare me heroin.
