Për herë të parë Galeria Kombëtare e Arteve ka nxjerrë nga fondi i saj koleksione të veprave të artit që i përkasin piktorëve më të rëndësishëm të artit shqiptar.
Nisur nga fakti se GA është në rikosntruksion kuratoja Suzana Varvarica ka ideuar një turne ekspozitash në disa qytete të vendit. Ekspozita e parë u çel në Pogradec me piktorë të juglindjes së vendit duke vendosur në krye Vangush Mion.
Për Entela Gushon N/kryetare e bashkisë Pogradec kjo ekspozitë e veçantë përveç rëndësisë që mbart ka shërbyer edhe si një “shkollë” për nxënësit që e kanë ndjekur nga afër.
Piktori i mirënjohur pogradecar Anastas Kostandini e quan këtë ekspozitë një ngjarje të rrallë, pasi për herë të parë publiku ka mundësinë të prekë dhe shohë kolekisone që vështirë se do të rishfaqen sërish ndonjëherë.
Taso iu është përgjigjur edhe disa kritikave që kanë ndodhur në media për nxjerrjen e këtij koleksioni nga GA duke thënë se Shqipëria i ka kushtet për ta bërë këtë dhe qytetarët kanë të gjithë të drejtën të njihen me to.
Ekspozita qëndroi e hapur në Pogradec për gati 25 ditë dhe u pa nga mbi 500 vizitorë ndërkohë që vitin e ardhshëm do të udhëtojë në disa qytete të tjera të vendit.
