Matura e viteve 2000-2004 e gjimnazit “Raqi Qirinxhi” në Korçë u rikthye për një takim të veçantë dje, duke kujtuar vitet e gjimnazit dhe momentet e paharrueshme që kanë ndarë së bashku.
Ish-nxënësit, tashmë të rritur dhe të shpërndarë nëpër botë, u mblodhën në qytetin e tyre të lindjes për të risjellë në kujtesë aventurat, sfidat dhe emocionet e periudhës së adoleshencës, kur mësimi dhe shoqëria ishin prioritetet kryesore. Takimi u zhvillua në një atmosferë të ngrohtë në bangat e shkollës ku kanë mësuar para 20 vitesh.
Morën pjesë edhe disa prej mësuesve që i kishin udhëhequr në rrugën e dijes gjatë viteve të gjimnazit, ku kujtuan mes emocionesh gjithçka kanë kaluar.
Për shumë prej tyre, ky takim ishte një rikthim në kohë, duke forcuar lidhjet e vjetra dhe krijuar kujtime të reja për të ardhmen.
