Enea Jorgji ishte protagonist në ndeshjen e sotme mes PAOK dhe Shamrock Rovers. Sfida e vlefshme për fazën “Play-Off” të Europa League, përfundoi 4-0 në favor të vendasve.
Arbitri shqiptar gjykoi një ndeshje pothuajse perfekte, teksa nuk mungoi edhe kartoni i kuq. Në minutën e 52-të, Jorgji ndëshkoi me kartonin e dytë të verdhë Honoha, lojtarin e irlandezëve.
Gjithashtu, në pjesën e parë, në minutën e 41-të të sfidës, arbitri elbasanas anulloi dhe një gol. Me ndihëm e arbitrave italianë në dhomën e VAR-it, Jorgji vendosi që të anullonte golin e shënuar nga PAOK për një faull të mëparshëm.
Jorgji më tej, në minutën e 93-të akordoi penallti për PAOK. Ndërsa numri i kartonëve të vedhë ishte vetëm dy, përjashtuar ato të marra nga Honohan që doli me karton të kuq.
Vlen të përmendet që asistentë të Jorgjit në këtë ndeshje ishin pothuajse dy të përhershmit. Denis Rexha dhe Ridiger Çokaj ishin krah Jorgjit, ndërsa arbitër i katërt ishte shqiptari tjetër, Florian Lata.
