Menjëherë pas marrjes së detyrës së kryebashkiakut të Kolonjës, Erion Isai ka lajmëruar një ‘furtunë’ në administaratë.
Pas konstituimit të Këshillit Bashkiak, ku u zgjodh në krye kryetari i PS Kolonjë, Aldo Xhelili, dhe pas betimit si kryebashkiak, Isai ka deklaruar se në mbledhjen e parë do të merren vendime të rëndësishme për zhvillimin e bashkisë.
Duke i krahasuar ndryshimet në Kolonjë me lëvizjet e traktorit sovjetik, Isai ka thënë se kjo bashki kërkon autostradën e zhvillimit.
“Do të miratojmë një numër të ri dhe një strukturë të re punonjësish. Do të hapim sfidën e 4-vjeçarit që sapo mbyllëm. Do të rikonstruktohet Drejtoria e qytetit, në të cilën ikën turzimi në një drejtori më vete, duke i sjellë nevoja e rritjes së këtij të fundit si sektor, e cila nga sot do të fillojë të ofrojë një shërbim të plotë, ture virtuale dhe në nivel lokal, që rritja e turizmit të jetë në nivelin e kërkuar dhe padyshim rruga e re me daljen në paketën turistike me Korçën do të jetë krejt e afër. Do ta mbajmë menjëherë premtimin e ngritjes së Asambleve dhe sazeve të Ersekës dhe Leskovikut. Qendra Kulturore dhe Qendra Kulturore e fëmijëve tani do të jenë një drejtori, me dy sektorë dhe me dy përgjegjës dhe patjetër do të ngrenë teatrin e ri,” tha ndër të tjera Isai.
