Olsion Veliaj i Tiranës dhe Mateo Balaj i Vllaznisë janë fituesit e dy etapave të Kupës së Shqipërisë në çiklizëm për kategorinë “elitë”.
Në etapën e parë Qukës – Korçë ka qenë çiklisti i Tiranes ai që ka hyrë në finish ndërsa në etapën e dytë Korçë – Bilisht – Goricë e Madhe – Korçë 100 km ka qenë shkodrani Balaj ai që ka kaluar i pari vijën e finishit.
Etapa e dytë e juglindjes edhe për çiklistët ka qenë më e vështire për shkak të terrenit të thyer malor nga Qafë Zvezda deri në Goricë të madhe e kthim.
“Ishte më e vështirë sepse terreni ishte ngjitës dhe intenerari ishte më i gjatë. E mendova me djalin nga Shkodra, e menduam të bëja shkëputja sepse unë jam mirë me terrenin e fushës dhe mendova të bëj shkëputje në fund, u bashkuam, mbajtëm ritëm. Janë shumë gjëra sepse sporti do bazë materiale, ka kosto, rrugë nuk ka, shumë njerëz e mendojnë sport të rrezikshëm e nuk e marrin përsipër” – tha Olsian Veliaj.
“Kjo etapë shkoi shumë mirë, kemi miqësuar me vendin e parë, kishte malore të veçanta. Unë bashkë me Veliajn edhe Henri Hysen ishim duke ecur fort në malore, ishte strategji e imja sepse sa më shumë ngarkesë aq më shumë lodhje ka. Finishi pas një bashkëpumimi dje, sot fitova unë” – u shpreh Mateo Balaj
Edhe për presidentin e Federatës Shqiptare të Çiklizmit, Skënder Hanxhakun nuk është e lehtë të organizosh gara të tilla edhe për shkak të një buxheti jo shumë të mjaftueshëm
“Mbështetje ka nga ministria e sporteve por nuk është një buxhet që mund të mbulojë këtë lloj aktiviteti që bëhet. Vetëm xhiro e Shqipërisë në bazë të dokumentacionit ka shkuar 19 milion lek. Gjithë fondi ka qenë 123. Ka aktivite të tjera dhe janë bërë e aktivite të tjera“.
Në dy etapat e kupës së Shqipërisë kanë marrë pjesë 40 çiklistë të kategorive të ndryshme moshe, përfshi ata të Kosovës dhe Maqedonisë së Veriut.
