Për herë të dytë, fermerët e Maliqit janë ngritur në protestë lidhur me produktet e tyre të pa shitura, çmimin shumë të ulët teksa kërkojnë marrjen e masave të menjëhershme nga qeveria shqiptare për të bllokuar mallin që vjen nga vendet e rajonit, kryesisht nga Kosova e Serbia.
Ndryshe nga hera e parë, këtë herë numri i ferrmerve që kanë dalë në protestë është më i pakët.
Sipas tyre, një kg grurë kushton 17-22 lek, një kg patate 30 lek e kjo bën që fermerët të shkojnë drejt falimentimit.
Fermerët protestojnë përsëri në kryqëzimin e Libonikut në afërsi të rrugës nacionale Korçë – Pogradec, aty ku herën e kaluar 24 drejtues mjetesh bujqësore u gjobiten nga 25.000 deri në 100.000 lek te reja.
