Aronia është fruti kurativ që për herë të parë po kultivohet në juglindje të vendit.
Miron Mersinllari është fermeri i cili rastësisht dëgjoi në internet për këtë frut, duke e sjellë nga Hungaria në fushën e e Maliqit.
“Informacioni i parë ka qenë nëpërmjet internetit, aty u hasa me këtë frut, me vone humultova, mora informacion, pyeta dhe vendosa ta kultivoj. Mbas interesimit që kreva, findanet i solla nga Hungaria. Pashe çmimin e përshtatshëm dhe i solla nga Hungaria“, – tha fermeri.
Sipas fermerit, vlerat kurative të këtij fruti janë të shumëllojta.
“Ky është fruti i Aronia, është një nga frutat më kurative, ka vlera e benefite për imunitetin e njeriut. Përmbajtja e lartë e antioksidantit ndihmon në enët e qarkullimit të gjakut, stabizilon diabetin, përdoret nga njerëz që vizitohen nga sëmundje të kimio terapisë, vlerat e lartë e antioksidantit bën të mundur largimi e toksinave nga trupi,” – thotë Miron Mersinllari.
Juglindja plotëson parametrat klimaterike për rritjen e frutit ndërsa problem ngelet tregu, edhe pse zgjidhja përherë gjendjet në internet thotë ai.
“Aronia është pemë rezistuese që duron temperaturat – 40 grade dhe plus 40 grade. Në rajonin tonë është e mundur kultivimi, sidomos i varietit melano Carpa. Me tregun kemi hasur vështirësi, nuk është aq e thjeshtë sepse njerëzve ju mungon informacioni për vlerat kurative të saj. Tani njerëzit harxhojnë kohë në rrjetet sociale ku jap te dhëna mbi gjithçka”.
Një kg i këtij fruti në tregun shqiptar kushton nga 600-700 lek te reja, frut i cili ende nuk po kultivohet në masë nga fermerët shqiptarë, edhe për shkak të mungesës së informacionit
