Fshati Pojan është nga fshatrat më të njohur të Bashkisë së Maliqit, fshat me më shume se 5000 banorë të cilët e kanë kthyer në traditë tashmë Festën e Trëndafilave pasi pjesa më e madhe e shtëpive të këtij fshati janë të “qëndisura” me trëndafilave shumëngjyrëshe.
Gratë e këtij fshati tregojnë se trëndafili nuk është vetëm në oborret e Pojanit por me të bëjnë dhe gatime e ëmbëlsira.
“Kemi trëndafila në shtëpi, shumëngjyreshe, me aromë etj. Shurup trëndafili bëjmë, gazozat, shumë të mirë, oborret janë plot dhe kanë shumë, kemi e lule të tjera por trëndafili mbizotëron“- u shpreh banorja e Pojanit.
“Bëjmë, gatime bëjmë, ëmbëlsira, trëndafilave u bëjmë yzmet, I vaditim. Vajzat e reja e trashëgojnë, siç e mësuam ne, do e mësojnë dhe ato”- tha një banore e zonës.
“Në fakt kjo është një festë ka filluar prej disa vitesh, fëmijët e pëlqejnë dhe gatuajnë gjëra tradicionale, shurupin për fasten e trëndafilave, recelin, të gjitha këto i përgatisin vet e na bën krenar që angazhohen në këtë festë“- u shpreh një tjetër.
Për kryetarin e bashkisë Maliq kjo festë është kthyer në traditë tanimë, e Pojani ka marrë investime të rëndësishme së fundmi
“Në fakt është një festë që i ka munguar këtij fshati prej vitesh, komuniteti ata që e kanë bërë art gjithmonë, u ka munguar festa, pallati i kulturës, ndaj e ne po ecim me këtë festë që po bëhet festë tradicionale, na takon ne për të çuar elemtne pozitive, por marrin shembullin gjimnazin dhe pallatin e kulturës, Pojani po merr ngarkesë pozitive, dhe për atë fjalën artistike që e kanë patur të tyre prej kohësh” – tha Gëzim Topçiu, kryetari i bashkisë Maliq.
Festa e Trëndafilave u mbajt për të 5 vit radhazi ndërkohë që shumica e oborreve të familjeve që jetojnë në këtë fshat janë të” pikturuara”me trëndafilë shumëngjyreshe.
