Nëna e 15 vjeçarit në Devoll i cili ka akuzuar një 45 vjeçar se i ka ngacmuar djalin e saj seksualisht ka thënë para kameras se ka qenë një shoku i tij ai që i ka treguar asaj mbi ngjarjen.
Gruaja e cila po e rrit e vetme djalin pasi bashkëshorti i ka ndërruar jetë, pasi mësoi për ngjarjen ka shkuar drejt dhe në komisariat ku ka bërë denoncimin për 45 vjeçarin i cili është arrestuar tashmë.
Ndërkoh edhe vetë i mituri deklaron se 45 vjeçari e ka prekur me duar duke i kërkuar gjithashtu që të mos tregonte për çfarë kish ndodhur mes tyre.
45 vjeçari është arrestuar tashmë nga policia nën akuzën e ngacmimit seksual, por nga ana tjetër prindërit e tij ngritën dyshime se babai i 3 fëmijëve të ketë bërë diçka të tillë, duke kërkuar që të zbardhet ngjarja, ata thanë se nëse kjo është e vërtetë i biri të dënohet maksimalisht, por përjashtuan kategorikisht faktin se ai mund të ketë bërë diçka të tillë.
