Vijon te jetë i lartë fluksi në pikën e kalimit kufitar të Qafë Thanës
Burime zyrtare bëjnë me dije se vetëm gjatë 24 orëve të fundit nga Maqedonia e Veriut në drejtim të vendit tonë kanë hyrë 7350 shtetas.
Për të përballuar fluksin policia shqiptare e ajo maqedonase punojnë në hyrje me 5 sportele ndërkohë që në momentet e fluksit të shtuar të dy policitë janë dakortësuar për të punuar me procedurë të përshpejtuar
Gjatë këtyre orëve ka qenë i lartë edhe fluksi në dalje nga vendi ynë drejt vendit fqinj, aq sa gjatë 24 orëve kanë dalë 6504 shtetas
Edhe ne orët e paradites së sotme fluksi në hyrje ka qenë i lartë në veçanti nga ora 06:00-08:00 të ditës së sotme
Nga ana tjetër ne piken e kalimit kufitar të Kapshticës kanë hyrë e kanë dalë me tepër se 7800 shtetas
