Anri Pashaj është një i apasionuar pas natyrës. Nëse do të futesh nl profilin e tij në FB do të gjesh destinacione të shumta natyrore në të gjithë territorin e vendit.
Këtë herë Anri bashkë me guidatorin Eljo Miti kanë prekur zonën e Gorës në Pogradec dhe veçanërisht fshatrat Niçë dhe Llëngë.
Rrugës në këtë udhëtim ndalesa e parë është në Gurin e Kamjes një destinacion fantastik natyro i cili në brendësi të tij ka edhe disa tunele të hapura gjatë periudhës së luftrave.
Ndalesa e radhës është në Niçë aty ku zbulon banesa karakteristike mjaft të vjetra shumë prej të cilave vështirë tiu gjesh edhe datë ndërtimi. Janë banesa të ndërtuara mjeshtërisht nga vetë popullsia vllehe që jetojnë këtu.
Në brendësi të fshatit ndodhet Kisha e Shën Mërisë një objekt kulti mjaft interesant dhe me ikona murale origjinale të realizuara nga vëllezërit Jeromonahu.
Në fshat gjen familje të plota që vijonë jetën normalisht aty, ka edhe prej të ikurve që po kthehen duke rindërtuar banesat e prishura.
Teksa humultojnë Llëngëm dhe shkumbinin guidatorët kanë zbuluar fosile deti, koral bri, gastropodë, braçiopode si dhe fosile peshku me dhëmbë.
Këto fosile mund ti zbulosh lehtë nëse ke me vete një guidator të mirë dhe sigurisht shkon dhe prek zonën nga afër. Interesant është fakti se në majë të malit zbulohen fosile detare dhe pyetja që ngrihet është:
Sa faktohet përmbytja dhe varka e Nohas?
Këto janë elementë që dikur zona malore miliona vite më parë ka qenë e mbuluat nga uji, deti, dhe sot këto fosile janë një dëshmi e cila sigurisht kërkon kërkime dhe studime shkencore nga institucionet.
Shih fotot dhe programo në të ardhmen për të vizituar zonën.
