Në zbatim të udhëzimeve të dhëna nga Drejtori i Përgjithshëm i Burgjeve, Klevis Qose, lidhur me forcimin e masave të sigurisë në të gjitha institucionet penitenciare të vendit, drejtori i institucionit, Lorent Nake, zhvilloi një instruktazh të posaçëm me efektivët e policisë së burgjeve.
Gjatë takimit, Nake vuri theksin te zbatimi rigoroz i procedurave të sigurisë, si dhe menaxhimi i duhur i çdo situate të papritur që mund të lindë brenda institucionit. Ai përcolli detyra konkrete për forcat e sigurisë, duke theksuar rëndësinë e garantimit të rendit dhe disiplinës, mbrojtjen e jetës së të dënuarve dhe të vetë personelit.
Ky angazhim është pjesë e përpjekjeve të pandërprera për të garantuar funksionimin normal të institucioneve penitenciare në përputhje me standardet kombëtare dhe ndërkombëtare të sigurisë dhe administrimit.
