Gryka e Llëngës
“Në fshatin arumun të Llëngës, lumi ka krijuar një të çarë pingule në gëlqerorët, me faqe që lartohen mbi 200 metra mbi shtratin e tij dhe kësisoj ai kalon nëpër një grykë të ngushtë, mbi të cilën ngrihet lart manastiri i njohur i Shën Marenës. Pasi del nga kjo grykë, Shkumbini futet në ultësirën ranore të Mokrës, e cila është mjaft e ngjashme me Ultësirën e Matit por ka burime ujore më të shumta, është më pjellore dhe më tepër e banuar.
Në pranverë Mokra duket një oaz i vërtetë kumbullash dhe qershijash të lulëzuara në të cilën lumi rrjedh nga juglindja në veriperëndim. Në Qukës ai futet në Boshtin Malor Qendror në një grykë të ngushtë dhë të çarë për më tëpër së 1000 metër. Pikërisht këtu e kaplonte Shkumbinin dhe e lashta Via Egnatia e cila lidhte Romën me Kostandinopojën. Edhe sot e kësaj dite, si dëshmi e kësaj rrugë, ka mbetur në këmbë gjysma e një ure të bukur romake.”
Shkëputur prej librit “Shqipëria dhe shqiptarët”, fq 30, nga gjeologu francez Jacques Bourcart. Botuar në Paris në vitin 1921.
Në foto) Ushtarët italianë duke kaluar në gjurmën e degëzimit të Rrugës Egnatia në Kanionin e Llëngës (Gryka e Gurit), viti 1941, periudha e Luftës Italo-Greke.
Materiali i mësipërm është pjesë e Arkivit të Bibliotekës Kombëtare të Francës.
Nga Ledjan Zeqollari
