Gazetari Xhensil Shkëmbi në një lidhje direkte në emisionin “Kosova Today” në Klan Kosova ka dhënë detaje në lidhje me arrestimin e kreut të Partisë së Lirisë, Ilir Meta.
Ai është shprehur se sipas burimeve, Meta nuk ka pasur informacion për arrestimin e tij dhe se po udhëtonte me makinë drejt Tiranës, kur është arrestuar, përcjell Klankosova.tv.
“Ai ka qenë duke udhëtuar me makinë drejt kryeqytetit, duke hyrë brenda në kryeqytet, aty ku është arrestuar në flagrancë nga tre punënonjës të Drejtorisë së Përgjithshme të Policisë, duke ekzekutuar kështu një vendim të SPAK”
“Burimet bëjnë me dije se ka qenë Ilir Meta ai i cili nuk ka pasur një informacion sa i përketë arrestimit të tij, pra nuk ka pasur një komunikim të tij me instancat e drejtësisë”, është shprehur tutje Shkëmbi.
