Një konflikt për motive të dobëta në qytetin e Korçës ka përfunduar në dhunë të rëndë fizike. Sipas njoftimit zyrtar nga Drejtoria Vendore e Policisë Korçë, 65-vjeçari R. M. është proceduar penalisht pasi dyshohet se ka goditur me thikë një 67-vjeçar, gjatë një debati të çastit.
Ngjarja ka ndodhur ditën e djeshme në një nga lagjet e qytetit, ndërsa i dëmtuari është transportuar me urgjencë në spital dhe ndodhet jashtë rrezikut për jetën.
Policia ka mbërritur menjëherë në vendngjarje dhe ka referuar materialet në Prokurori, ndërkohë që hetimet për rrethanat e konfliktit vijojnë.
