Më shumë se një dekadë më parë, nga ky stacion hekurudhor në “Gur të Kuq” udhëtonin mijëra pasagjerë me tren, nga Korça dhe Pogradeci drejt Elbasanit apo Tiranës, si një mënyrë alternative me kosto më të ulët.
Sot, ky stacion i njohur si Guri i kuq në Pogradec, hesht dhe duket sikur tretet nën vete nga dita në ditë, aty nuk vjen më treni, nuk ka më njerëz dhe kjo alternativë transporti nuk ekziston më.
Ish-punonjës të hekurudhës kujtojnë vitet e punës dhe shprehen se hekurudhën e mbytën partitë politike, me pretendimin se ishte jo rentabël.
Jo vetëm për ish-punonjësit, por edhe vetë qytetarët që dikur e përdornin udhëtimin me tren, shprehen se ky shërbim duhet të rikthehet sa më parë edhe si një mundësi për shtresën e varfër, por edhe si një udhëtim më i sigurt.
Premtimet për projekte ndërkombëtare të hekurudhës, për njerzit taahmë duken si “déjà vu” që përsëriten në çdo fushatë elektorale pasi nl të tilla raste nuk harrohet të përmenden apo trumpetohen si arritje që do të realizohen.
E derisa këto projekt-premtime fushatash të zbatohen, qytetarët dhe ish-punonjësit e hekurudhës në Gurin e Kuq duhet të mbajnë gjall kujtimet. Por një gjë është e sigurtë se nëse kjo alternativë transporti do të ekzistonte do të ishte zgjidhja ideale për qytetarët që nuk kanë mundësi ekomomike për për të përdorur shërbimin taksi.
