Korçarët pas dy fitoreve me Kukësi e Erzenin presin në shtëpi Dinamon në një ndeshje të paluajtur për shkak të kushteve atmosferike.
Takim i cili trajneri Ivan Gvozdenoviç e mendon delikat edhe për shkak të renditjes e diçka më shumë për paraqitjet pozitive të skuadrës dinamovite.
Skënderbeu në përballjen me Dinamon do të ketë ne loje nga minuta e parë kapitenin Liçi dhe Donfur ndërkohë që Shaqe dhe Pecani për shkak dëmtimi nuk janë të gatshëm.
Edhe për trajnerin Ivan Gvozdenoviç fusha korçare është një avantazh për skuadrën pasi do të ketë edhe mbështetjen e tifozerise.
Takimi Skënderbeu – Dinamo luhet të mërkurën në 17:00 në Korçë.
Deklarata për shtyp e Ivan Gvozdenoviç
Pyetje – Dy javë, 6 pikë për Skënderbeun. Skuadra ka gjetur ritmin?
Gvozdenoviç – Deri tani mund të them PO. Dy javë me 6 pikë janë shumë mirë, kundër Kukësit dhe Erzenit, dy skuadra që ishim afër me pikë, për Kukësi ishte ndoshta një tren i fundit dhe vështirë, pastaj jashtë vështirë kundër Erzenit. Jam i kënaqur me 6 pikët, patjetër jemi tani prap në një rrugë të duhur, nesër kemi një ndeshje delikate, shumë e rëndësishme për ne. Kemi prap nevojë për pikë, jemi afër, po mbaron faza e 3. Çdo ndeshje për ne është shumë e rëndësishme.
Pyetje – Çfarë e bën delikate këtë ndeshje me Dinamon?
Gvozdenoviç – Delikate sepse Dinamo është në një formë të mirë. 4-5 javët e fundit nuk kanë humbur asnjëherë, kanë fituar kundër Partizanit, barazim me Laçin janë në formë të mirë dhe është delikate. Është kundërshtar i fortë por e ne jemi në formë të mirë dhe mendoj se nesër do të jetë një ndeshje e bukur.
Pyetje – Fakti që luajmë në shtëpi, avantazh?
Gvozdenoviç – Ndoshta është pak avantazh, jemi në Korçë, nesër kemi atmosferë të mirë tifozët.
Pyetje – Rikthehen dy titullarë në skuadër.
Gvozdenoviç – Është plus patjetër. Shaqe e Pecani janë jashtë, Donfur e Lici janë gati, sot është stërvitje e fundit dhe vendosim për formacionin.
Pyetje – Fitorja ju shkon në mendje?
Gvozdenoviç – Mendoj përherë për fitoren. Edhe me Erzenin menduam bashkë për fitoren, nesër mendojmë të gjithë bashkë për fitoren.
Pyetje – E mendoni largimin nga kategoria apo ashensori në ngjitje tanimë?
Gvozdenoviç – Javë per javë mendojmë, si do luajmë bukur, si të marrim pikët, nuk mendojmë shumë poshtë apo lart. Tani jemi qetë, edhe nesër flasim për Dinamon, mbas Dinamon flasim për tjetër gjë
