Ndeshja e kësaj jave Skënderbeu – Dinamo edhe për trajnerin Ivan Gvozdenoviç hyn në kategorinë e ndeshjeve të vështira, kjo dhe për vendet ku ndodhen dy ekipet në renditje e shumë më tepër për 4 ndeshjet pa fitore të Skënderbeut.
Nga ana tjetër Gvozdenoviç në përballjen me blutë nuk sheh rezultat tjetër përveç fitores.
Për ndeshjen e kësaj jave kryepankina nuk do të ketë dy prej lojtarëve kryesorë Ramos dhe Rabiu, lojtarë të cilët është i detyruar t’i zëvendësojë me të tjerë.
Edhe për sulmuesin kryesor Ardit Nikaj kjo ndeshje duhet fituar por edhe nëse ndeshja prodhon rezultat tjetër, shkodrani nuk e sheh Skënderbeun në krizë
Ndeshja Skënderbeu – Dinamo luhet në Korçë të shtunën në orën 17:00.
